قصه انسان جرحه الزمان بعنوان دورى يادنيا دورى ولفى بينا لفى

دورى يادنيا دورى ولفى بينا لفى
إمتى بقى ناويه تسامحينا وتاخدينا لبر الامان وتعدينا
إمتى بقى نعيش أحلامنا
إمتى بقى تنسينا إلى فاتنا
عايش وراضى بقسمتى
لكن انتى ليه مش راضيه بينا
دورى يادنيا دورى ولفى بينا لفى
بعدتى حبيبى عنى
وخدتى منى أغلى ماليا
ابويا إلى كان شايل همى فى الدنيا ديه
باقى ايه أحزن عليه
غير ست الكل أمى ونور عينيا
ملقتشى صاحب يحس بيا
نفسى أحب وأتحب فى الدنيا ديه
ملقتشى حد يشيل همى من عليا
إمتى يادنيا تنسينا همى وتنسينى ظلم الناس ليا
دورى يادنيا دورى
أخواتى بعدوا عنى علشان كنت صغير فى الدنيا ديه
ولما كبرت فى الدنيا ديه بقم يسألوا عليا
مكنتش عايز حاجه منهم
غير حب وطيبه ليا فى الدنيا ديه
ينسونى جرح الزمان وظلم الناس بيا
ياريتهم سمعوا بيا وحسوا بإلى فى قلبى
قولت أحاول اقرب منهم لكن هما بردك فضلم على حالهم

جيتى يادنيا وخدتى واحد منهم
كان حنين عليا شويه
قولت يمكن التانيين ينصلح حالهم
لكن فضلم على حالهم فى الدنيا ديه
ملقتشى غير أخ واحد يحس بيا
وأخت واحده بتخاف عليا
وجوزها بيدور على مصلحته فى الدنيا ديه
وخالى إلى نسيته زمان وياريت ماكنت نسيته وبعدت عنه
طلعم حنيينين عليا أوى فى الدنيا ديه
دورى يادنيا دورى ولفى بينا لفى
أخويا إلى فى الغغربه
شايل همى انا وأمى فى الدنيا ديه
وهوا فى الغربه حاسس بإلى فيا
وأختى إلى حاسه بيا
لو طلبت منى عنيا عمرى ماهستنى عليها فى الدنيا ديه
دخلت أدفع إلى عليا ن حق الوطن ليا
فى جيش الامه العربيه
فى مكان محدش يعرف بيه فى الدنيا ديه
غير ناس شافته قبلى فى الدنيا ديه
ومنهم إلى مشى وفيهم إلى مات فى الحته ديه
دى من حق الوطن وواجبه عليا
دورى يادنيا دورى ولفى بينا لفى

إمضاء ،،،،،،

أمير الاحزان """" الــــــــســـــــــنــــــــــدبـــــــاد الـــــــصـــــغـــــــيــــــــــــــــــــــــــــر

مفيش ردود ولا ايه ياجماعه

سعدنا بإنضمامك ياغالى
نورت فعلا وشرفت المنتدى بهلتك التى تحمل كل معانى البسمه والاشراق

موضوع وشعر جميل

لكن أعتقد انك0 سافرت اوتكون روحت الجيش و لا حاجه

ِوقضاء وقت اسعد أخوى عمرو

شعر جامد

بس لو انتا إلى كاتبه فعلا تكون جامد

عايزه المزيد من الكلام الجميل ده ياعمرو

وان شاء الله نراك أحسن من كده بكتير

أختك
طمطم بوكس
alex

روعه يامان

كلام روعه

شكرا عمووووور

أخوك سامح

موضوع واحد بس
فين الباقى

ولا ده إلى انتا الفته بس

فين ياعموووور إشجينا إشجينا

بس عايزك تعملى شعر عن واحده سابتنى

بس الغلط كان منى

ياريت ياعمرو

يعنى عايز ابعتلهالها وتخليها تعيط من الكلام بتاعك على اساس انه كلامى انا

ياريت يامان

انا بشكركم جدا وحكون عند حسن الظن ليكم

ان شاء الله

وأنتا عند حسن ظننا دايما ياعمرو
لاننا اتعرفنا عليك

وكلنا أكيد عرفناك من مواضيعك المتألقه

وننتظر جديدك ياغالى