الله الرحمن الرحيم
اكتب اليكم اليوم حاجة كده اسمها مقال وليس راى شخصى يعنى بلاش هجوم
علشان المنتدى كله من الرجال واللى عنده تعليق يقوله فور الانتهاء من القرأة ماشى
قولوا معى ماشى...............
الرجالة ..... حاجة تنقط...... واسألوا الستات
أى زوج لا يعجبه العجب وهذا هو حال أغلب الرجال وان لم يكن كلهم ...
وتعالوا نشوف.......
* الزوجة : لوخرجت معاه للسوق أو فى زيارة عائلية .. الزوج يقول ..ليه ماتروحيش مع اهلك
مش احسن؟؟
* الزوجة : لو حبت تتمشى معاه بين الحين والاخر الزوج يقول بعد ثلاثة دقائق أخ شد عضلى لازم ارجع البيت ارتاح....
* الزوجة : لو اعترفت له بأخطائها من غير مكابرة .. الزوج يقول طبعا وحاتتعلمى فين مافيش
منك فايدة..
* الزوجة لو اتصلت بيه فى الشغل تطمن عليه ... الزوج ..يقول والله دى حكاية ؟ ملحقانى حتى
فى الشغل..
* الزوجة اذا تاخر واتصلت به لتطمئن عليه الزوج يقول : ايه ياستى هو انا عيل تخافى عليه
*الزوجة لو كتبت له قصيدة حب أو خواطر او اى كلام الزوج يقول حافظ الحركات دى مافيش فلوس
*الزوجة لو كتبت له رسالة حب يقول من امتى وانتى بتكتبى رسايل غرامية اعترفى
*الزوجة لو ارسلت له زهور فى مناسبة ما يقول طيب ايه لزمتها المصاريف دى
* الزوجة لو قامت بطبخ ما يحبه من أكلات الزوج يقول مافيش احلى من طبيخ امى.
* الزوجة لو قالت له انها بتفكر فيه كل يوم وكل ثانية يقول هو انا متجوز ظابط مباحث
* الزوجة لوقدمت له هدية بدون مناسبة ..يقول هدية ايه وايه المصاريف دى لازم عاملة عملة
* الزوجة لو قالت له انا احبك يقول منا عارف ايه الجديد..........
من الاخر بجد رجالة تنقط ولا لأ مبيعجبهمش الاهتمام بيهم ولا حتى اهمالهم ايه رائيكم بقى
اسألوا الستات لوكنتم جدعان ؟
الأحد مارس 02, 2008 9:06 am